STEILAS sindikatuaren XII. Kongresua ospatuko dugu 2022ko maiatzaren 27tik 28ra bitartean. Iruñeko Medikuen Elkargoan egingo dugu (Baxe Nafarroa etorbidea, 47), “Noranzko bakarra, publikoa” lelopean.

Akreditazio eta dokumentazio lanak amaitu ostean emango diogu hasiera, ostiralean arratsaldeko 16:00etan. Arratsaldean zehar, hasiera ekitaldiaz gain, Idazkaritza Nazionalaren balantzearen aurkezpena eta bozketa egingo dugu, baita Kongresuaren Mahaiaren hautaketa ere. Gonbidatuen agurrak entzungo ditugu, eta ebazpenen irakurketa eta bozketarekin emango diogu amaiera egunari.

Larunbatean, 9:30ean ekingo diogu Kongresuari. Nabarmentzekoa da 12:00etan agerraldi publikoa egingo dugula, lurraldeetako ordezkarien hautagai-zerrendak aurkezteko.  Arratsaldean barne organoentzako hautagai-zerrenden aurkezpena eta bozketae egingo dugu, eta, amaitzeko bozketaren emaitzak eta organo berrien aurkezpena.

Hemen klik eginda ikus dezakezue Kongresuari buruz argitaratu dugun guztia (egitaraua, kontu praktikoak, albisteak, kartela…).