Martxoaren 8a dela eta, formakuntza-saioa jaso dugu gaur STEILAS sindikatuko liberatu eta hainbat afiliatuk, Idazkaritza Feministak antolatuta.

Zaintzaren inguruko hausnarketa feministak izan ditugu eztabaidagai. Goizaren lehenengo partean, mahai-ingurua egin dugu, Arantza Urkaregi EHUko irakaslea eta militante feminista eta Mari Luz Esteban EHUko irakaslea eta antropologian adituaren eskutik. Aztertu dugu nola dagoen antolatuta menpekotasunaren arreta erakundeetatik, baita zaintza-sistemaren egoera zein den gaur egun instituzioetan, zein arazo eta behar dauden. Horrez gain, diagnostikoez, ekaintza eta kanpainetaz, eta zaintza sistema publiko komunitarioaz aritu gara, azken honen gainean eztabaidatuz.

Goizaren bigarren partean, Bea Egizabalek egunak emandakoaren “Clownclusioak” egin ditu: mahai-inguruan landutakoaren ondorioak umoretik azalduz.