Grebak urriak 17,18 eta 19an eta abenduak 11 eta 15 bitarte deitu ditugu. Lan Hitzarmenaren negoziaketa dute helburu. Apirilaren 25ean egindako grebatik 5 hilabete igaro diren arren, patronalek negoziazioa blokeatuta izaten jarraitzen dutela salatu dugu ELA, STEILAS, CCOO, LAB eta UGT sindikatuok.

Urriak 17 Bilbo manifestazioa 11:00etan Arriagatik
Urriak 18 Gasteiz manifestazioa 11:00etan Egibidetik (Bilbo Plaza)
Urriak 19 Donosti manifestazioa 11:00etan Aldapeta Maria ikastetxetik
Abenduak 11, 12, 13, 14, 15

Hona hemen gure aldarrikapenak:

Sektore feminizatu eta prekarionentzat hobekuntzak
➤ HH Lehen zikloko langileak HH bigarren zikloko langileekiko homologazioan pausu garrantzitsuak.
➤ Hezkuntza Laguntza Espezialistak (EAE) lanaldi osoak bermatzea eta ordu osagarriak gehitzea arreta zuzenekoak murriztuz.
➤ AZP urteko lanaldi murrizketa esanguratsua, lan zamak neurtzeko eta mugatzeko neurriak ezarriz.

Lan zamak arintzeko neurriak
➤ Irakasleak: eskola orduen murrizketa esanguratsua. Murrizten diren eskola orduak ordu osagarri bihurtzea eta ordu osagarri horiek lan pertsonalerako izatea.
➤ Irakasle ez diren langile tituludunak: Irakasleen urteko lanaldi berdina.
➤ Kolektibo guztietan ordezkapenen erregimena hobetzea.

Soldatak
➤ KPIaren bermea.
➤ Aurrez galdutako eros ahalmena berreskuratzen joatea.
➤ DBH 1 eta DBH 2ko irakasleen soldata parekatzea.

Lanbide heziketa
➤ Lanaldi irregularra arautzea: Asteko ohiko eskola orduak gainditzeko baldintzak negoziatu eta hitzarmenean txertatu:
Ordu lektibo eta osagarrien proportzioa mantendu beharko da Konpentsazioa egon beharko da.
➤ FCTs: 6 ordu astean ikasturte osoan; ez bakarrik praktika garaian.
➤ Tailerretan bikoizketa arautu.
➤ Lanbide Heziketako lege berriak ekar ditzaken aldaketen aplikazioa negoziatzea.

Enplegua. Lanpostuak mantentzeko
➤ Birkokapen prozedurari buruzko erreglamendua Hitzarmenean jasotzea eta betearazteko bermeak ezartzea.
➤ Birkokapen akordio mugagabea bermatzea. Behin behineko kontratazioa eta aldizkako kontratazio finkoa
➤ Lanaldi osoko kontratu mugagabeen nagusitasuna jasotzea.
➤ Aldizkako kontratu finkoen erabilpenik ez dela egongo jasotzea arau orokor bezala.

Berdintasun planak
➤ Hitzarmeneko zentro guztietan.

Lan osasuna
➤ Behin behineko ez gaitasun osagarria baja-denbora efektibo osoan.
➤ Arrisku psikosozialak, bai prebentzioan baita identifikatutako gabeziak konpontzeko planak ezarri ikastetxe guztietan, jazarpen-protokolak barne.

Euskara planak
➤ Plantilla osoarentzat, irakasleak ez direnak barne.