EHU: Seiurtekoak irakasle eta ikerlari doktore guztientzat

Komunikatua seiurtekoak EHU

Soldata eta lan-baldintza duinak irakasle-ikertzaile guztiontzat, aldarrikatu ditugu LAB eta STEILAS sindikatutako ordezkariok Lakuako atarian, Euskadiko Unibertsitate Kontseiluaren eta Unibertsitate Irakaskuntza Publikoa Koordinatzeko Kontseiluaren bilera aurretik.

Jaurlaritza, UPV/EHU itotzen ari zara” eta “Irakasle eta ikertzaileen soldata eta lan baldintzekin iruzur eta diskriminazio gehiagorik ez!!” lelopean, elkarretaratze honekin salatu nahi izan dugu Jaurlaritzaren jarrera unibertsitate publikoko langileriarekin, eta zehazki, irakasle eta ikertzaileekin:

  • EAEko aurrekontuetan, Jaurlaritzak ez ditu unibertsitate-plangintzan aurreikusitako inbertsioak egiteko diru-sarrerak bermatu.

  • Abenduan, UPV/EHUren Gobernu Kontseiluaren eta Gizarte Kontseiluaren erabakien kontra eta Unibasq-en konplizitatearekin, 279 irakasleren C osagarriak ordaintzeko beharrezkoa zen ebazpena geldiarazi zuen, ordainketa urtebetez atzeratuz. Osagarri horiek antzinatasunarekin lotuta daude eta hainbat irakasleren soldata irakaskuntza ez unibertsitariokoekin parekatzeko eta duintzeko bide bakarra da, azken urteotako izozketaren ondorioz.

  • Gogoratu, 2011, 2012, 2013 eta 2014 urteetan Jaurlaritzak ez zuela osagarrien deialdirik atera. Horrek eta soldata-murrizketek eragin handia izan zuten irakasle eta ikertzaileen soldatetan eta erosahalmenean, bereziki gazteen eta sartu berriengan. Ez da ahaztu behar Unibertsitatea dela, Euskal Hezkuntza sistema publikoaren baitan, irakasle berriei soldata maila baxuena eskaintzen diena

  • Behin-behineko irakasleek aitortuta duten bosturtekoak ordain daitezen bidea emango lukeen 41/2008 dekretuaren aldaketa eta aurrekontu-partida ez ditu bideratu, hainbat epaik jarrera hau diskriminatzailea dela azaldu badute ere.

  • Antzera, aipatu dekretua aldatu behar da behin-behineko irakasleei seiurtekoak ordaintzeko, sententzia batek berriki agindu duena bete ahal izateko.

Jaurlaritza, UPV/EHU itotzen ari zara”

Irakasle eta ikertzaileen soldata eta lan baldintzekin iruzur eta diskriminazio gehiagorik ez!!

2018ko urtarrilaren 16

LAB – STEILAS

2018-01-19T13:21:27+00:002018 urtarrila 19 |Albisteak, UPV-EHU|

Leave A Comment