Ados gaude Hezkuntza Departamentuko buruak, Mendoza jaunak, PAI gelditzeko hartu duen erabakiarekin, egokitasunari buruzko azterketa egiten den bitartean. Era berean, itxaropentsua da, ezbairik gabe, gobernua sostengatzen duten lau alderdien arteko akordioan neurri hori garbi jaso izana.

Steilasko kideek kezkatsu agertu ginen lehendakariak aldaketa izendatzeko erabili zuen hitzarekin: lasaia. Pentsatzekoa da ez zituela baliatu nahi “goitik beherakoa” edo “errotikoa” bezalako esamoldeak, zenbait jende ez aztoratzeko. Baina beldur ginen aldaketa “lasaiak” dena bere horretan ez ote zuen utziko.