Gaur, Gizarte Ekimeneko Ikastetxeetako patronalek eta sindikatuok negoziazio-mahaiaren bilera berri bat izan dugu. Azkenean, hitzarmenaren idazketa berria lantzen hasi gara, oso poliki bada ere. Lehenengo 28 artikuluak baino ezin izan ditugu berrikusi, eta horietako askotan ez da testua erabat itxi.

Hurrengo bilera apirilaren 10ean izango da, eta gainerako artikuluekin lanean jarraituko dugu. Kristau Eskolak hilaren 10a baino lehen ikasturte honetan soldata-taulak eta lanaldi-murrizketak aplikatzeari buruzko proposamen bat bidaltzeko konpromisoa hartzea lortu dugu. Era berean, birkokatzeko akordioari berriro ekiteko Hezkuntza Sailarekin bilera bat eskatzeko testua itxiko dugula erabaki dugu.

STEILASek prozesua bizkortzea eta astean bilera gehiago egitea proposatu du, baina patronalak ez daude asteko bilera bat baino gehiago egiteko prest. Bilera berri bat adostu da apirilaren 17rako.